យល់ដឹង៖ តាមជំនឿពីចាស់ៗតាំងពីបុរាណមក របស់ដែលនាំសំណាងល្អ និងនាំសំណាងអាក្រក់ចូលក្នុងផ្ទះ នៅតែមានអ្នកជឿមកទល់នឹងសព្វថ្ងៃនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះ ថ្ងៃនេះផងដែរ យើងនឹងមកស្វែងយល់ និងលាតត្រដាងរបស់ ៧ យ៉ាងដែលហាមប្រាម ដែលមិនគួរមានរនៅក្នុងផ្ទះឡើយ ព្រោះវាត្រូវបានគេជឿថា ជាហានិភ័យចៃដន្យនាំសំណាងអាក្រក់ចូលក្នុងផ្ទះបាន។ ប៉ុន្តែគួរបញ្ជាក់ថា ទាំងនេះ គ្រាន់តែជាជំនឿផ្ទាល់ខ្លួន ដូច្នេះសូមពិចារណាតាមការគួរ៕
១.នាឡិការខូច ឬអស់ថ្ម
នាឡិកាផ្ទៀងម៉ោង ជារបស់ដែលសំខាន់សម្រាប់ប្រើក្នុងជីវិត និងជាការល្អដែលមានវានៅក្នុងផ្ទះ ប្រសិនបើវានៅតែដំណើរការល្អមិនខូច។ ប៉ុន្តែផ្ទុយទៅវិញ ប្រសិនបើនាឡិកាខូចឬងាប់រហូតដល់លែងអាចប្រើបាន វាត្រូវបានណែនាំឲ្យយកវាចេញ ឬបោះចោលឲ្យឆ្ងាយពីផ្ទះ ឬជួសជុលវាឲ្យដំណើរការវិញតាមដែលអាចធ្វើទៅបាន។ ប៉ុន្តែបើវាខូចប្រើលែងកើតហើយចូរបោះវាចោលទៅ កុំទុកវានៅក្នុងផ្ទះអី ព្រោះបើតាមជំនឿ វាប្រៀបដូចជាយើងរក្សាទុករបស់ស្លាប់នៅក្នុងផ្ទះយ៉ាងដូច្នោះ។
២.ទ្វារខូចទុកចោល
ប្រសិនបើផ្ទះរបស់អ្នកមានទ្វារដែលមិនប្រើ គួរតែដកកូនសោទ្វារចេញ ហើយលាបពណ៌លើវាឲ្យដូចពណ៌ជញ្ជាំងដើម្បីកុំឲ្យវាមើលទៅដូចជាទ្វារ ព្រោះសំណាងអាក្រក់ក៏អាចមានទៅតាមនោះដែរ។
៣.របស់ខូចៗ
រាល់របស់របរដែលខូចដូចជា ចានឆាំង កញ្ចក់ វត្ថុដែលខូច ត្រូវតែរុះរើបោះចោល ឬជួសជុលវាតាមដែលអាចធ្វើទៅបាន ព្រោះវាជាសញ្ញាព្រមាននៃសំណាងអាក្រក់ ឬអាចជានាំឲ្យរាសីដាក់ដល់មនុស្សនៅក្នុងផ្ទះ មិនថារឿងការងារ ការសិក្សា ឬលុយនោះទេ។
៤.កញ្ចក់បែក
តាមជំនឿ វានឹងនាំឲ្យមានការបែងបាក់ ជម្លោះក្នុងគ្រួសារ ដូច្នេះបើមានកញ្ចក់បែក គួរតែឈប់ប្រើវា ហើយទិញថ្មីទៅ។
៥.ស្បែកជើងរហែក
ស្បែកជើងរហែក អាចបង្ហាញពីការឈរស្ងៀម មិនទៅមុខ ដូច្នេះវាប្រៀបដូចជាអ្នកធ្វើអ្វីមួយមិនអាចទៅមុខរួចយ៉ាងដូច្នោះ។ ប្រសិនបើស្បែកជើងរបស់អ្នកចាស់ ឬរហែកហើយ គួរបោះចោលទៅ ប៉ុន្តែបើអ្នកជាមនុស្សចូលចិត្តទុករបស់ចាស់ៗ គួរតែយកវាទៅជួសជុល។
៦.ដើមឈើងាប់
ត្រូវបានគេជឿថា វានាំឲ្យក្រៀមស្វិតដល់មនុស្សក្នុងផ្ទះ ជាពិសេសសម្រាប់អ្នកដែលទើបតែរៀបការ អ្នកត្រូវការថែរក្សាដើមឈើណាមួយដែលនៅរស់ឲ្យល្អ កុំឲ្យវាងាប់ ព្រោះដើមឈើងាប់នឹងធ្វើឲ្យចំណងស្នេហ៍របស់អាចថមថយទៅតាមនោះដែរ។
៧.ប្រតិទិនចាស់ៗ
ការរក្សាប្រតិទិនចុងឆ្នាំនៅផ្ទះ នឹងធ្វើឲ្យអ្នកយឺតយ៉ាវមិនសកម្មក្នុងការធ្វើអ្វីមួយ។ ដូច្នេះនៅពេលឆ្លងឆ្នាំ វាជាការប្រសើរក្នុងការចាកចេញពីឆ្នាំចាស់ បំភ្លេចរឿងចាស់ៗ ចាប់ផ្ដើមរឿងថ្មី បែបនេះគួរតែបោះចោលប្រតិទិនចាស់ចោលដូចគ្នា។
ប្រភព៖ sanook
Bong I.T