បើចាកឆ្ងាយបន្តិចម្ដង គឺតារានិករទាំងនេះ ចង់បែកហើយ!

យល់ដឹង៖ តារានិករខ្លះនឹងដកអ្នកបង់ចោលភ្លាម ហើយបែកគ្នាជាមួយអ្នកភ្លាមៗ តាមអ្វីដែលគេសម្រេចថាល្អបំផុត។ ប៉ុន្តែតារានិករផ្សេងទៀត នឹងធ្វើការនៅឆ្ងាយជាមុនសិន។ ពួកគេនឹងចាប់ផ្តើមផ្ញើសារ ទៅកាន់អ្នកតិចជាងមុន ហើយនឹងកាន់តែរវល់ច្រើន។ 

ខាងក្រោមនេះជាតារានិករប៉ុន្មានដួង ដែលនឹងឃ្លាតឆ្ងាយពីអ្នក មុនពេលបែកគ្នា៖

១. Gemini ♊️ 

Geminis តែងតែមានរឿងសប្បាយៗដើម្បីប្រាប់ ឬដំណើរផ្សងព្រេងដើម្បីនាំអ្នកទៅ ដូច្នេះប្រសិនបើភ្លាមៗ ពួកគេបានបញ្ឈប់ការផ្ញើសារទៅកាន់អ្នក ដោយគ្មានហេតុផល ពួកគេអាចនឹងកំពុងពិចារណា អំពីការបែកគ្នា។ ពួកគេជាប្រភេទតារានិករ ដែលមានបញ្ហាក្នុងការប្រកាន់ខ្ជាប់ នឹងការសម្រេចចិត្ត ដូច្នេះពួកគេនឹងមិនចង់បែកគ្នា ជាមួយអ្នកដោយចេតនា ហើយស្ដាយក្រោយឡើយ។ ពួកគេនឹងគិតវាជាមុនសិន ហើយខណៈពេលដែលពួកគេធ្វើ ពួកគេអាចចាប់ផ្តើមនៅឆ្ងាយពីអ្នក ដើម្បីមើលថា តើជីវិតរស់នៅដោយគ្មានអ្នក នឹងមានអារម្មណ៍បែបណា។ ពួកគេមិនមានចេតនាចង់ធ្វើបាបអ្នក ឬជំរុញអ្នកឲ្យបែកគ្នាជាមួយពួកគេទេ ប៉ុន្តែវាមិនអាចផ្លាស់ប្តូរអាកប្បកិរិយាទាំងនេះរបស់ពួកគេបានឡើយ។

២. Pisces ♓️ 

Pisces នឹងមិនចង់បំបែកបេះដូងរបស់អ្នក ដោយងាយឡើយ ដោយសារតែពួកគេយកចិត្តទុកដាក់យ៉ាងខ្លាំង អំពីអារម្មណ៍របស់អ្នក។ បើទោះជាពួកគេមិនចង់មានទំនាក់ទំនង ជាមួយអ្នកទៀត ពួកគេនឹងព្យាយាមដោះស្រាយស្ថានការណ៍ ឲ្យបានល្អិតល្អន់តាមដែលអាចធ្វើទៅបាន។ ទោះជាយ៉ាងណាក៏ដោយ ទោះបីជាការប្រាប់អ្នកពីការពិត គឺជាដែលឈឺចាប់ក៏ដោយ ក៏ពួកគេគិតថាការឃ្លាតឆ្ងាយពីគ្នា នឹងធ្វើឲ្យឈឺចាប់តិចបំផុត។ ពួកគេសង្ឃឹមថា នេះនឹងជួយអ្នកឲ្យស៊ាំនឹងការរស់នៅ ដោយគ្មានពួកគេ។ ជាការពិតណាស់ វិធីសាស្ត្រនេះអាចធ្វើឲ្យអ្នកមានសំណួររាប់លាន អំពីអ្វីដែលអ្នកបានធ្វើខុស។ វាអាចធ្វើឲ្យការបែកបាក់គ្នា ដោយអចេតនា រឹតតែឈឺចិត្តជាងអ្វីដែលបានកើតឡើងទៅទៀត។

៣. Libra ♎️ 

Libras មិនអាចទ្រាំនឹងការប្រឈមមុខគ្នាបានទេ។ ការគិតថាចង់បែកគ្នានឹង ធ្វើឲ្យពួកគេពិបាក ព្រោះចង់ចែករំលែកសុភមង្គលមិនមែនទុក្ខព្រួយឡើយ។ ដោយសារ Libras មើលឃើញពីភាពល្អបំផុត នៅក្នុងអ្នកដទៃ ពួកគេអាចនឹងចំណាយពេលមួយរយៈដើម្បីព្យាយាមបញ្ចុះបញ្ចូលខ្លួនឯងថា ការបន្តស្នាក់នៅគឺជាអ្វីដែលត្រឹមត្រូវបំផុត។ ប៉ុន្តែនៅទីបំផុត ពួកគេនឹងដឹង ពេលដែលនៅជាមួយមនុស្សខុស។ តារានិករនេះ អាចចាប់ផ្តើមឃ្លាតឆ្ងាយពីអ្នក ព្រោះពួកគេចង់ឲ្យអ្នកសម្រេចចិត្តថា ការបែកគ្នាគឺជារឿង ដែលល្អបំផុត។

៤. Cancer ♋️ 

Cancer តែងចង់ចំណាយពេល ជាមួយដៃគូឲ្យច្រើនតាមដែលអាចធ្វើបាន ដូច្នេះប្រសិនបើភ្លាមៗនោះ ពួកគេផ្តល់លេសចម្លែកដល់អ្នក អំពីមូលហេតុដែលពួកគេរវល់ពេក ក្នុងការដើរលេង ឬព្រងើយកន្តើយនឹងសាររបស់អ្នក នោះគឺមានអ្វីមួយខុសហើយ។ ពួកគេអាចនឹងកំពុងសាកល្បង ដើម្បីមើលថាតើពួកគេមានអារម្មណ៍ធូរស្រាលឬអត់ ដោយគ្មានអ្នកនៅក្បែរ។ ទោះជាយ៉ាងណាក៏ដោយ ពួកគេក៏ត្រូវការពេលវេលា ដើម្បីពង្រឹងភាពក្លាហានដែរ។

ប្រភព: thoughtcatalog