តោះមកដឹងពីអត្តចរិតដ៏ល្អឥតខ្ចោះ របស់តារានិករប្រុសៗវិញម្ដង!

យល់ដឹង៖ ដូចស្ត្រីដែរ បុរសក៏អាចត្រូវបានគេបែងចែក ទៅតាមចរិតលក្ខណៈនៃតារានិកររបស់ពួកគេ។ យោងតាមហោរាសាស្រ្ត ពួកគេក៏មានចរិតអវិជ្ជមាន និងវិជ្ជមានមួយចំនួនផងដែរ។ ហើយនោះហើយជាមូលហេតុ ដែលត្រូវតែមានភាពត្រូវគ្នា ឬមិនត្រូវគ្នានៅក្នុងគ្រប់ទំនាក់ទំនងទាំងអស់។ 

ខាងក្រោមនេះនឹងបង្ហាញពី អត្តចរិត ដ៏ល្អឥតខ្ចោះ ពីតារានិករប្រុសៗនីមួយៗ ៖

♈️ Aries (Mar 21 – Apr 19)

បុរស Aries មានស្មារតីជាអ្នកចម្បាំង ហើយពួកគេមានបុគ្គលិកលក្ខណៈរឹងមាំ។ ពួកគេរំភើបនឹងជីវិតរបស់ពួកគេ ហើយតែងតែត្រៀមខ្លួន ១០០ ភាគរយលើអ្វីទាំងអស់។ ពួកគេធ្វើតាមចំណង់ចំណូលចិត្តរបស់ពួកគេ ដោយការលះបង់ដ៏អស្ចារ្យ ហើយមិនដែលបាត់បង់ លើការផ្តោតអារម្មណ៍របស់ពួកគេឡើយ។ ពួកគេក៏ងាយស្រួល ក្នុងការចុះសម្រុងជាមួយអ្នកដ៏ទៃផងដែរ។ បុរសទាំងនេះចូលចិត្តរស់នៅក្នុងពេលបច្ចុប្បន្ន ហើយពេលខ្លះពួកគេមានភាពឯកោខ្លាំងណាស់។

♉️ Taurus (Apr 20 – May 20)

បុរសទាំងនេះមានភាពអត់ធ្មត់ ជាក់ស្តែង ឯករាជ្យ យកចិត្តទុកដាក់ និងក្ដីស្រលាញ់ខ្ពស់។ ពួកគេក៏គួរឲ្យទុកចិត្ត និងស្មោះត្រង់ផងដែរ។ ដូច្នេះ ពួកគេនឹងនៅទីនោះជានិច្ចសម្រាប់អ្នក នៅពេលចាំបាច់។ ពួកគេចូលចិត្តដឹកនាំជីវិតសាមញ្ញ និងចង់ឲ្យអ្វីៗនៅដដែល។បុគ្គលិកលក្ខណៈដ៏រឹងមាំ និងអាចទស្សន៍ទាយបាននេះ តែងតែធ្វើតាមបេះដូងរបស់ពួកគេជានិច្ច។

♊️ Gemini (May 21 – Jun 20)

បុរស Gemini មានភាពរួសរាយរាក់ទាក់ រស់រវើក និងមានទំនាក់ទំនងល្អណាស់។ ពួកគេគ្រាន់តែចង់ទទួលបានពត៌មាន នូវអ្វីមួយដែលច្បាស់លាស់ និងផ្សព្វផ្សាយវាគ្រប់ទីកន្លែង។ ពួកគេក៏ចូលចិត្តដំណើរផ្សងព្រេង ដែលជំរុញសុខភាពផ្លូវចិត្តផងដែរ។ ពួកគេជាមនុស្សឆ្លាត ពូកែ និងមានលក្ខណៈចង់ដឹងចង់ឃើញ ដែលខិតខំប្រឹងប្រែងយ៉ាងខ្លាំងក្នុងទំនាក់ទំនងណាមួយ។

♋️ Cancer (Jun 21 – Jul 22)

បុរស Cancer គឺជាអ្នកការពារដ៏មុះមត់ មានការយកចិត្តទុកដាក់ ក្ដីស្រលាញ់ និងតែងមានអារម្មណ៍ល្អ។ ពួកគេលះបង់ខ្ពស់ ក្នុងការការពារមនុស្សគ្រប់រូបក្នុងជីវិតរបស់គាត់។ ពួកគេស្មោះត្រង់នឹងការប្តេជ្ញាចិត្តណាមួយ ហើយជឿជាក់លើមនុស្សជាទីស្រលាញ់របស់ពួកគេជាខ្លាំង។ ដោយសារ Cancer ត្រូវបានគេស្គាល់ថា ជាតារានិករដែលយកចិត្តទុកដាក់ បុរសនេះក៏អាចធ្វើឲ្យអ្នក មានអារម្មណ៍ស្រលាញ់ និងជឿជាក់ផងដែរ។

♌️ Leo (Jul 23 – Aug 22)

បុរសទាំងនេះមានប្រាជ្ញា ឆ្លាត មានមន្តស្នេហ៍ ក្លាហាន និងមិនចេះខ្លាចឡើយ។ ពួកគេមិនស្ទាក់ស្ទើរក្នុងការប្រថុយប្រថាន ហើយធ្វើការគ្រប់យ៉ាង ដើម្បីជោគជ័យក្នុងអ្វីមួយ។ ពួកគេអាចមកជាមួយនឹងគំនិតច្នៃប្រឌិត ដ៏ឆ្លាតវៃយ៉ាងឆាប់រហ័ស។ ពួកគេក៏បង្ហាញការដឹងគុណ ចំពោះអ្វីគ្រប់យ៉ាងនៅក្នុងជីវិត និងចំពោះមនុស្សគ្រប់រូបផងដែរ។

♍️ Virgo (Aug 23 – Sep 22)

បុរស Virgo មានភាពស្ងប់ស្ងាត់ យកចិត្តទុកដាក់ សុភាពរាបសារ និងសប្បុរសបំផុត។ ពួកគេមានភាពជាក់ស្តែង និងពូកែក្នុងការទំនាក់ទំនង។ ពួកគេអាចវិភាគ និងវិនិច្ឆ័យមនុស្សដទៃ ដោយការសង្កេតយ៉ាងខ្នះខ្នែង។ បុរស Virgo ចូលចិត្តសណ្តាប់ធ្នាប់ និងស្ថិរភាព ហើយនោះហើយជាមូលហេតុ ដែលពួកគេត្រូវបានគេផ្តល់តម្លៃខ្ពស់ និងគោរពផងដែរ។

♎️ Libra (Sep 23 – Oct 22)

បុរសទាំងនេះមានចរិតស្លូតបូត ស្ងប់ស្ងាត់ និងមានភាពទាក់ទាញ។ ពួកគេជំនាញធ្វើការសម្រេចចិត្ត ហើយអាចសង្កេតមើលអ្វីក៏បានតាមទស្សនៈផ្សេងៗ។ គាត់គឺជាមនុស្សចុះសម្រុងជាមួយសង្គម មានតុល្យភាព និងស្មុគស្មាញបន្តិច ហើយបុរសទាំងនេះ អាចទាក់ទងគ្នាបានយ៉ាងងាយស្រួល ជាមួយអ្នកដ៏ទៃ។ គាត់យកចិត្តទុកដាក់ចំពោះអ្នកដទៃ ដូច្នេះហើយពួកគេមានទំនោរជៀសវាង ការប្រឈមមុខដាក់គ្នា ដើម្បីកុំឲ្យប៉ះពាល់ដល់អារម្មណ៍អ្នកណាម្នាក់។

♏️ Scorpio (Oct 23 – Nov 21)

បុរស Scorpio មានភាពខ្លាំងក្លា មានវិចារណញាណខ្ពស់ និងជាអ្នកសង្កេតការណ៍ដ៏អស្ចារ្យ។ ពួកគេមានភាពវៃឆ្លាត ក្លាហាន និងក្ដីស្រលាញ់ខ្លាំង ហើយមិនចូលចិត្តអ្វីមួយដែល Drama ឡើយ។ ពួកគេមានការលើកទឹកចិត្ត ចំពោះមនុស្សជាទីស្រលាញ់ខ្លាំងណាស់ ហើយក៏អាចលើកទឹកចិត្តអ្នកដទៃផងដែរ។

♐️ Sagittarius (Nov 22 – Dec 21)

បុរសទាំងនេះគឺជាអ្នកផ្សងព្រេង ចង់ដឹងចង់ឃើញ និងចូលចិត្តស្វែងរកអ្វីដែលថ្មីៗ។ ពួកគេមានចំណង់ចំណូលចិត្តយ៉ាងខ្លាំង ចំពោះចំណាប់អារម្មណ៍របស់ពួកគេ ហើយចង់ធ្វើតាមពួកគេដោយការលះបង់ច្រើន។ ពួកគេចូលចិត្តធ្វើដំណើរ និងជួបមនុស្សថ្មីៗខ្លាំងណាស់។ ពួកគេក៏ជាមនុស្សមានចិត្តទូលាយ ដែលមានការលេងសើចយ៉ាងខ្លាំងដែរ។

♑️ Capricorn (Dec 22 – Jan 19)

បុរស Capricorn មានការជំរុញគ្រប់គ្រងខ្លួនឯង រៀបចំ ផ្តោតអារម្មណ៍ និងរបៀបរៀបរយ។ ពួកគេផ្តោតទាំងស្រុង លើគោលដៅរបស់ពួកគេ ហើយដឹងពីរបៀបដើម្បីទៅដល់ភាពជោគជ័យ។ ពួកគេមានការលើកទឹកចិត្តខ្លួនឯង។ ពួកគេនឹងជួយអ្នកឲ្យបន្តផ្តោត លើគោលដៅរបស់អ្នកជានិច្ច។ ពួកគេនឹងជំរុញអ្នក ឲ្យសម្រេចលើគោលដៅរបស់អ្នក។ បុរសទាំងនេះបង្កើតបានដៃគូដ៏អស្ចារ្យ នៅពេលមានទំនាក់ទំនងស្នេហា។ ពួកគេយកចិត្តទុកដាក់ ស្រលាញ់ខ្លាំង និងស្មោះត្រង់ណាស់។

♒️ Aquarius (Jan 20 – Feb 18)

បុរសទាំងនេះមានភាពឯករាជ្យ បើកចិត្តទូលាយ និងប្តេជ្ញាចិត្តចំពោះមនុស្សជាទីស្រលាញ់របស់ពួកគេ។ ពួកគេមានភាពជឿនលឿន ហើយចង់ឃើញអ្វីៗគ្រប់យ៉ាងតាមទស្សនៈផ្សេងៗគ្នា។ បុរសទាំងនេះចូលចិត្តការជំរុញខាងបញ្ញា ហើយនោះហើយជាមូលហេតុដែលបញ្ញាមានសារៈសំខាន់បំផុត សម្រាប់ពួកគេជាងរូបរាង។

♓️ Pisces (Feb 19 – Mar 20)

បុរស Piscean មានមនោសញ្ចេតនា ភាពរំជើបរំជួល សិល្បៈ និងយកចិត្តទុកដាក់។ ដូចជា Cancer អញ្ចឹង ពួកគេក៏អាចធ្វើឲ្យអ្នកមានអារម្មណ៍ថា ស្រលាញ់ជានិច្ចគ្រប់ពេលវេលាដែរ។ ពួកគេមានការស្រមើលស្រមៃខ្ពស់ ចេះអាណិតអាសូរ ចិត្តល្អ និងទន់ភ្លន់ចំពោះអ្នកដទៃ។ យោងតាមហោរាសាស្រ្តបុរស Pisces គឺជាតារានិករមួយ ដែលរ៉ូមែនទិកបំផុតនៃមនុស្សទាំងអស់ ដែលមិនខកខានក្នុងការផ្តល់ឲ្យអ្នកនូវសុវត្ថិភាព និងការលួងលោមឡើយ។

ប្រភព: pinkvilla