តោះមកមើលថា តើតារានិករមួយណា ជាគូដ៏ល្អឥតខ្ចោះ ជាមួយតារានិករអ្នក?

អ្នកទាំងអស់គ្នាប្រាកដជាចង់ដឹងថា តារានិករមួយណា ដែលជាគូដ៏ល្អឥតខ្ចោះ ជាមួយតារានិករអ្នក មកអានទាំងអស់គ្នា ៖

1. Aries & Aquarius

អាចនិយាយបានថា តារានិករទាំងពីរ ចូលចិត្ដដំណើរផ្សងព្រេងដូចគ្នា។ ប្រសិនបើតារានិករទាំង២ ចាប់ដៃក្នុងការធ្វើដំណើរផ្សងព្រេងទៅទីណាមួយនោះ គឺកាន់តែសប្បាយរីករាយ។ តារានិករមួយគូនេះ ចូលចិត្ដធ្វើអ្វីរួមគ្នា ស្វែងរកអ្វីដែលថ្មី នឹងធ្វើឲ្យអ្នកនៅជុំវិញខ្លួន ជួបតែរឿងសប្បាយក្នុងជីវិត។ ការជឿទុកចិត្តគ្នា គឺជាបញ្ហាសំខាន់មួយសម្រាប់ Aries និង Aquarius ហើយពួកគេជឿជាក់ថា វាអាចឲ្យពួកគេរក្សាទំនាក់ទំនងបានយូរ។

2. Taurus & Cancer

តារានិករទាំងពីរនេះ គឺអាចនិយាយបានថា យល់ចិត្ដគ្នាទៅវិញទៅមក។ តារានិករទាំងពីរ អាចធ្វើការជាមួយគ្នាយ៉ាងចុះសម្រួល និងមានអារម្មណ៍នៅចង់ជាប់គ្នា។ គូស្នេហ៍មួយគូនេះ ជាគូស្នេហ៍ដ៏ Cute បំផុត ហើយ ស្រលាញ់គ្នាបែបស្នេហាផង និងមិត្តភក្តិផង។ ភាពយល់ចិត្ដរបស់តារានិករទាំងពីរ ធ្វើឲ្យពួកគេ កាន់តែមានផ្អែមល្ហែមនឹងគ្នា។ នៅពេលដែលពួកគេធ្លាក់ក្នុងអន្លង់ស្នេហ៍ ពួកគេកម្រនឹងរកឃើញហេតុផល ដើម្បីបែកគ្នាណាស់។

3. Gemini & Aquarius

ចំពោះគូមួយនេះ ខុសពីគូផ្សេងៗទៀត ដោយតារានិករទាំងពីរស្គាល់ និងយល់ចិត្ដប្រៀបបានដូចជា ស្គាល់គ្នារាប់ឆ្នាំណាស់មកហើយ។ ចំណងស្នេហ៍របស់ពួកគេ កាន់តែរឹងមាំពីមួយថ្ងៃទៅថ្ងៃ ដោយសារតែការយល់ ការចេះអធ្យាស្រ័យឲ្យគ្នា ផ្ដល់ភាពឯកជនឲ្យគ្នាទៅវិញទៅមក។ នៅពេលដែល Gemini និង Aquarius បានជួបជុំគ្នា នៅក្នុងសម្ព័ន្ធភាពស្នេហា អ្នកទាំងពីរអាចរីករាយនឹងទំនាក់ទំនងដ៏អស្ចារ្យដែលពោរពេញដោយការយោគយល់គ្នាច្រើន។

4. Cancer & Pisces

តារានិករធាតុទឹកមួយគូនេះ មានភាពស្អិតរមួត ចង់ជាប់គ្នា។ នៅពេលដែលពួកគេធ្វើការជាមួយគ្នា នោះពួកគេអាចនឹងស្វែងរកដំណោះស្រាយ នូវបញ្ហាអ្វីមួយបាន ព្រោះពួកគេចេះយល់ពីគ្នា។ ពីមួយថ្ងៃទីមួយថ្ងៃ ពួកគេកាន់តែស្រលាញ់គ្នាឡើង។ Pisces ចូលចិត្តសេរីភាព ហើយ Cancer តែងតែលើកទឹកចិត្ត មិនថាចំពោះដៃគូរបស់ពួកគេ ឬក៏ចំពោះខ្លួនឯងឡើយ។ តែក៏មានចំណុចរកាំរកូស ដោយសារ Cancer ចូលចិត្តង៉ក់ង៉រច្រើន ហើយ Pisces មិនងាយនឹងលួងលោមនរណាម្នាក់ឡើយ។

5. Virgo & Taurus

មួយគូនេះគឺងាយនឹងឈ្លោះគ្នាបន្ដិច ប៉ុន្ដែនេះមិនមែនជាបញ្ហានោះទេ។ តារានិករទាំងពីរ ប្រៀបបានទៅនឹងដីឥដ្ឋអីចឹង។ ពួកគេចូលចិត្ដរស់នៅជាមួយគ្នា ព្រោះថាពួកគេមានគំនិតទូលាយ ដូចគ្នា។ ដោយសារតែភាពស្មោះត្រង់នឹងគ្នា ធ្វើឲ្យចំណងស្នេហ៍ពួកគេនៅស្ថិតស្ថេរ។ ពួកគេយល់ពីគ្នាណាស់ ព្រោះពួកគេស្រលាញ់គ្នាបែបចាស់ទុំ មានរឿងអ្វីក៏ប្រាប់គ្នា ហើយដោះស្រាយតាមសន្តិវិធី។ ពួកគេនឹងមានមនោសញ្ចេតនាជ្រាលជ្រៅចំពោះគ្នាទៅវិញទៅមក ជាពិសេសគឺភាពរ៉ូមែនទិក។

6. Libra & Gemini

សម្រាប់តារានិករនេះ គឺប្រៀបបានទៅនឹងសេ្នហាបញ្ញាវន្ដ។ ពួកគេមិនត្រឹមតែប្រើប្រាស់ភាសាកាយវិការ ក្នុងការទាក់ទងគ្នាប៉ុណ្ណោះទេ ពួកគេថែមទាំងប្រើចិត្ដគំនិតទៀតផង។ ពួកគេមានចំណេះ និងភាពស្មោះត្រង់។ ពួកគេងាយនឹង យល់ពីចំនុចល្អ និងចំនុចអាក្រក់រៀងៗខ្លួន ហើយ Gemini ចូលចិត្តធ្វើអ្វីតាមបេះដូង និយាយរួមទៅ ធ្វើតាមអំពើចិត្តហើយហាក់មិនសូវគោរពដៃគូម្ខាងទៀត។ ល្អត្រង់ថា Libra មិនសូវចេះប្រកាន់ច្រើន ទើបទំនាក់ទំនងរបស់ពួកគេបានយូរដែរ។

7. Scorpio & Cancer

ចំពោះតារានិករទាំងពីរនេះ គឺហ៊ានលះបង់ចំពោះគ្នា ធ្វើឲ្យក្ដីស្នេហ៍របស់ពួកគេ មានភាពស្មើគ្នា។ ការព្រួយបារម្ភពីគ្នាទៅវិញទៅមក ធ្វើឲ្យតារានិករទាំងពីរនេះកាន់ស្អិតរមួតជាមួយគ្នា។ បើទោះបីជាពួកគេ ធ្លាប់ជាអតីតគូសង្សារនឹងគ្នា ពួកគេនៅតែមានទំនាក់ទំនងល្អជាមួយគ្នា តែក្នុងការរាប់អាន។ មិនល្អត្រង់ថា Scorpio រឹងរូសច្រើន តែងតែទុក Cancer ចោល ពេលដែលពួកគេទាស់ទែងគ្នា។

8. Sagittarius & Aries

ដោយសារតារានិករទាំងពីរមានធាតុភ្លើង ទើបធ្វើឲ្យចំណងស្នេហ៍របស់ពួកគេ ប្រៀបបានទៅនឹងរំសេវដែលរៀបនឹងផ្ទុះ។ ថាមពលនៃរំសេវនេះ ធ្វើឲ្យពួកគេកាន់តែស្រលាញ់គ្នាកាន់តែខ្លាំងឡើង និងធ្វើមនុស្សជុំវិញខ្លួនមានភាពរីករាយ។ ពួកគេជាមនុស្សដែលមានភាពស្មោះត្រង់ជាមួយគ្នាយ៉ាងខ្លាំង ជាធម្មតាពួកគេមិនចាំបាច់និយាយច្រើន ដើម្បីយល់ពីគ្នាទេ ហើយក៏ងាយសម្គាល់នៅពេលដែលម្នាក់ទៀតនិយាយកុហក។

9. Capricorn & Taurus

សម្រាប់តារានិករមួយគូនេះ ត្រូវបានគេកត់សម្គាល់ថា ជាគូដែលមានភាពផ្អែមល្ហែម ដល់កម្រិតកំពូល។ ពួកគេតែងតែគោរព និងឲ្យតម្លៃគ្នាទៅវិញទៅមក ដែលធ្វើឲ្យអ្នកដទៃច្រណែន និងខ្លះទៀតចង់យកគំរូរតាម។ ពួកគេនឹងផ្ដល់ឲ្យនូវភាពកក់ក្ដៅចំពោះគ្នាទៅវិញទៅមក មិនថានៅផ្ទះ ឬនៅក្រៅពេលដើរលេងឡើយ ហើយមនុស្សគ្រប់គ្នានឹងច្រណែន។ ពួកគេនឹងមិនអាចខ្វះគ្នាបាន ទោះបីជាមានអ្នកផ្សេងមកឆ្កឹះឆ្កៀល ដើម្បីបំបែកបំបាក់ក៏ដោយ។

10.  Leo & Aries

អាចនិយាយបានថា ពួកគេជាគូស្នេហ៍ដែលមិនអាចខ្វះគ្នាបាន។ ជាទូទៅ Aries ជាមនុស្សដែលរាក់ទាក់ដាក់គេគ្រប់គ្នា ដែលធ្វើឲ្យគេស្រលាញ់ច្រើន តែមិនងាយស្រលាញ់អ្នកណាវិញទេ។ Leo ជាមនុស្សម្នាក់ដែលអាចនៅជិត Aries បានយូរជាងគេ ដោយសារតែ Aries តែងតែផ្លាស់ប្តូរអារម្មណ៍គ្រប់ពេល គ្មានអ្នកណាអាចនៅក្បែរបានឡើយ។ ពួកគេអាចឆាប់អន់ចិត្តនឹងគ្នាបន្តិច តែបើភាគគីម្ខាងលួង ភាគគីម្ខាងគឺនឹងបាត់ភ្លាម ព្រោះតារានិករទាំងពីរនេះយល់ចិត្តគ្នាឆាប់ជាង ជាមួយតារានិករដទៃ។