៣០គំនិតដ៏អស្ចារ្យ ដើម្បីរៀបចំបន្ទប់គេងតូច ឲ្យមានភាពធំទូលាយ និងផាសុកភាព

ចំណេះដឹង ៖ ការរៀបចំបន្ទប់គេង ឲ្យមានផាសុខភាព អាចធ្វើឲ្យអ្នកមានអារម្មណ៍ល្អ ស្រស់ស្រាយ និងសុខភាពល្អ គិតអ្វីដែលថ្មីៗបានយ៉ាងងាយ ទោះបីជាបន្ទប់នោះតូច ក៏យើងអាចរៀបចំវា ឲ្យមានភាពទូលាយបានដែរ។

ខាងក្រោយនេះ ជាគំនិតនៃការរៀបចំបន្ទប់គេងតូចៗ ឲ្យមានផាសុខភាពងាយៗ និងមានភាពធំទូលាយទាំង ៣០ ដែលអ្នកអាចធ្វើបានដោយខ្លួនឯង ៖

១. ដំឡើង អំពូលជាប់ជញ្ជាំង Sconces

ការដំឡើង Sconces ឬចង្កៀងតូចៗ ២នៅក្បាលគ្រែ ព្រមជាមួយនឹងកៅអីតូចមួយនៅជិតគ្រែ។

ចង្កៀងតូចទាំង២ អាចលំអរបន្ទប់គេង ចំណែកកៅអី អាចដាក់សៀវភៅបាន។

២. ការរើសទីតាំងទុកកៅអី

ប្រសិនបើបន្ទប់អ្នក មិនមានទីធ្លាគ្រប់គ្រាន់សម្រាប់ដាក់កៅអីនៅក្បែគ្រែ អ្នកអាចយកវា មកដាក់នៅខាងចុងគ្រែគេងក៏បាន វាក៏អាចផ្តល់ភាពងាយស្រួល សម្រាប់ដាក់ស្បែកជើង ឬទុកភួយរបស់អ្នកថែមទៀត។

៣. ប្រើប្រាស់ផ្ទៃទំនេរទាំងអស់ដែលមាន

បញ្ហាប្រឈមដ៏ធំបំផុតមួយ សម្រាប់បន្ទប់គេងដ៏តូច គឺការពិបាកស្វែងរក កន្លែងសម្រាប់ដាក់របស់របរ។ អ្នកអាចប្រើកន្លែងទំនេរផ្សេងៗ សម្រាប់តុបតែងបាន ដូចជាដាក់តុ នៅនឹងបង្អួតសម្រាប់ដាក់របស់របរផ្សេងៗ ដូចក្នុងរូបភាព។

៤. ការបិទផ្ទាំងរូបភាពផ្សេងៗ

បន្ទប់មើលទៅហាក់ដូចជា មានទំហំតូច ប៉ុន្តែកន្លែងដែលមានផ្ទាំងរូបភាពភ្លឺថ្លា អាចជួយឱ្យបន្ទប់របស់អ្នកមានពន្លឺ និងមានភាពស្រស់ស្រាយ តែអ្នកក៏មិនចាំបាច់បិទពេញបន្ទប់នោះទេ។

៥. ការដាក់វាំងនន

កន្លែងតូចចង្អៀតបន្តិច តែមានលំហខ្យល់ចេញចូល។ ប្រើវាឲ្យកាន់តែមានភាពស្និទ្ធស្នាល និងកក់ក្ដៅ ជាមួយនឹងវាំងននក្រាស់ៗ នៅជុំវិញគ្រែ។

៦. ប្រើប្រាស់របស់របរបែបសិល្បៈ

ប្រើប្រាស់របស់របរដូចជា ខ្នើយ ភួយ និងកៅអី ដែលមានការរចនាបែបសិល្បៈ វាអាចធ្វើឲ្យអ្នកមានអារម្មណ៍ល្អបាន។

៧. ការរចនាឲ្យមានភាពផ្ទាល់ខ្លួន

តិច ឬច្រើន ក៏បន្ទប់ដ៏តូចមួយនេះ អាចឲ្យអ្នករៀបចំវា ដោយមានភាពផ្ទាល់ខ្លួន អាចបង្ហាញពីអារម្មណ៍ផ្ទាល់ខ្លួន ដោយការដាក់កម្រាលពូក និងតុដែកពណ៍ខ្មៅ ឬពណ៍ផ្សេងទៀត តាមចំណង់ចំណូលចិត្ត។

៨. ការរៀបចំប្លង់ឲ្យបានត្រឹមត្រូវ

អ្នកអាចរៀបចំតុ ដែលមានលក្ខណៈ ពីរជាន់ នៅក្បែគ្រែ ព្រមទាំងមានស៊ុមរូបថតតូចៗ នៅលើជញ្ជាំង ជាប់នឹងក្បាលគ្រែ។

៩. ការរៀបចំធ្នើដាក់សៀវភៅ

អ្នកអាចរចនាធ្នើដាក់សៀវភៅតូចៗ នៅជាប់ជញ្ជាំងក្បែគ្រែជាដើម ដែលអនុញ្ញាតឱ្យមានកន្លែងផ្ទុកបន្ថែម ក៏ដូចជាកន្លែងសម្រាប់បង្ហាញការតុបតែង បែបសិល្បៈ។

១០. ការប្រើប្រាស់សម្ភារៈ ដែលធ្វើពីឈើ និងមានការរចនា

ការប្រើប្រាស់គ្រែ និងតុដាក់សម្ភារៈដែលធ្វើពីឈើ និងមានរបា អាចជួយបង្កើតសិល្បៈ និងជួយសម្រួលដល់ទីធ្លាបន្ទប់ថែមទៀត។

១១. ការរចនាពណ៍ជញ្ជាំង

ទោះបីជាបន្ទប់នោះមានទំហំតូច តែអ្នកក៏អាចរីករាយជាមួយនឹងពណ៍របស់វា ដែលអ្នកអាចបន្ថែមពណ៍ស នៅក្បាលគ្រែគេងរបស់អ្នក តែមិនមែនពណ៍សទាំងអស់នោះទេ អ្នកអាចលាយជាមួយនឹងពណ៌ផ្សេងៗ អាចជាពណ៌ត្នោតដូចក្នុងរូបភាព ។

១២. តាំងរបស់ដែលមានប្រយោជន៍

ប្រសិនបើអ្នកអាចបំពាក់គ្រឿងសង្ហារិមតែមួយ នៅក្នុងបន្ទប់គេងរបស់អ្នក អ្នកត្រូវប្រាកដចិត្តថា វាជារបស់ដែលផ្តល់នូវអត្ថប្រយោជន៍ នូវមុខងារមួយចំនួនសម្រាប់អ្នក។

១៣. រៀបចំឲ្យមានភាពទាន់សម័យ

បន្ទប់តូចមួយក៏អាចរៀបចំ ឲ្យវាមានភាពទាន់សម័យបានដែរ ដោយគ្រាន់តែអ្នករៀបវាឲ្យមើលទៅ ដូចជាពពកទាន់សម័យ និងភ្លឺរលោង អ្នកអាចមើលក្នុងរូបភាពជាឧទាហរណ៍បាន។

១៤. ប្រើប្រាស់គ្រែដែលមានលក្ខណៈដូចជាសាឡុង

ប្រសិនបើអ្នកមិនមានបន្ទប់ទទួលភ្ញៀវទេនោះ អ្នកអាចជ្រើសយកគ្រែដែលមានលក្ខណៈ ឬរូបរាង ដូចជាសាឡុងបាន។

១៥. ការរចនាជញ្ជាំង

អ្នកអាចរចនាជញ្ជាំងរបស់អ្នក ទៅតាមមុខងារ និងស្ទីលផ្សេងៗដែលអ្នកចង់បាន ក្នុងករណីបន្ទប់គេងតូច អ្នកអាចមើលឧទាហរណ៍នៅក្នុងរូបភាពបាន។

១៦. ប្រើគ្រែគេងប្រអប់ ដែលអាចរុញចេញចូលបាន

ប្រសិនបើអ្នករស់នៅក្នុងស្ទូឌីយោ ឬត្រូវការប្រើបន្ទប់គេងរបស់អ្នក លើសពីការគេង សូមពិចារណាលើគ្រែប្រអប់ ដែលអាចរុញចេញចូលបាននៅខាងក្រោម ដូចក្នុងរូបភាព។ វាអាចសន្សំទីធ្លារបស់អ្នក ព្រមទាំងផ្តល់ភាពឆ្នៃប្រឌិតថែមទៀត។

១៧. ការទុកចន្លោះនៅខាងក្រោយគ្រឿងសង្ហារិម

ប្រសិនបើអ្នកទុកចន្លោះ នៅខាងក្រោយគ្រឿងសង្ហារិម វាក៏អាចធ្វើឱ្យបន្ទប់របស់អ្នកមើលទៅធំជាងមុនដែរ។

១៨. ការជ្រើសរើសទំហំគ្រែ

អ្នកអាចរើសយកទំហំគ្រែដែលមានលក្ខណៈសមល្មម ទៅនឹងទំហំបន្ទប់របស់អ្នក ព្រមជាមួយនឹងការតុបតែង នៅក្បាលគ្រែបន្តិចបន្តួច។

១៩. ដាក់របស់របរផ្សេងៗផ្ទាល់នឹងឥដ្ឋ

បន្ទប់គេងនឹងមានលក្ខណៈសាមញ្ញ សម្រួល និងលើកទឹកចិត្ត ដល់សុខភាពរបស់អ្នក ព្រមទាំងមើលទៅស្រស់ស្រាយ ជាមួយនឹងការដាក់របស់របរផ្សេងៗផ្ទាល់នឹងឥដ្ឋបែបនេះ។

២០. ប្រើប្រាស់របស់ដែលអាចបត់បាន

វានឹងកាន់តែប្រសើរ ប្រសិនបើឧបករណ៍ដែលអ្នកប្រើ អាចបត់បាន ដូច្នេះអ្នកអាចបត់ចេញ ទុកនៅម្ខាង ពេលដែលមិនប្រើ។ នោះវានឹងមិនរញ៉េរញ៉ៃ ថែមទាំងផ្តល់នូវទីធ្លាធំទូលាយថែមទៀត។

២១. ពណ៌ខ្មៅ

ពណ៍ខ្មៅ ឬពណ៍ងងឹតមួយចំនួន ត្រូវបានគេជឿថា នឹងធ្វើឲ្យបន្ទប់របស់អ្នកមើលទៅមានទំហំធំជាងមុន។

២២. ការរចនាក្រណាត់ នៅនឹងជញ្ជាំងក្បាលគ្រែគេង

អ្នកអាចជ្រើសរើសក្រណាតសម្រាប់លម្អ នៅជញ្ជាំងក្បាលគ្រែគេងរបស់អ្នកបាន។ ចូរជ្រើសរើសយកទំហំ និងរូបរាងតូចជាងគ្រែរបស់អ្នក។

២៣. ប្រើធ្នើអណ្តែត នៅជាប់ជញ្ជាំង

វានឹងផ្តល់ជាការរចនា ដ៏គួឲ្យទាក់ទាញ ព្រមទាំងផ្តល់កន្លែងទូលាយដល់អ្នកថែមទៀត ជាមួយនឹង ការរចនាធ្នើអណ្តែតជាប់ជញ្ជាំង ដូចក្នុងរូបភាព។

២៤. ដាក់របស់របរនៅក្រោមគ្រែ

ប្រើប្រាស់គ្រែដែលមានប្រអប់នៅខាងក្រោម ជាមួយនឹងការទុករបស់របរផ្សេងៗ នៅក្នុងនោះ សម្រាប់ផ្ទុកបន្ថែម នៅពេលអ្នកខ្វះកន្លែងទុក។

២៥. ប្រើប្រាស់ទូមានធ្នើនៅខាងក្រោយគ្រែ

ធ្នើរដាក់សៀវភៅផ្តល់ជូនអ្នកនូវទំហំផ្ទុកបន្ថែម ដោយមិនចាំបាច់មានគ្រឿងសង្ហារិម ដែលរញ៉េរញ៉ៃ នៅក្នុងបន្ទប់ឡើយ។

២៦. ពណ៌ស

បន្ទប់គេងនេះបង្ហាញថា បន្ទប់ពណ៌សកាន់តែផ្តល់នូវពន្លឺ និងមានខ្យល់កាន់តែច្រើន បន្ថែមជាមួយនឹង ភាពស្រស់ស្រាយមួយបែបដល់អ្នក។

២៧. ការដាក់កញ្ចក់

រចនាបន្ទប់អ្នកឲ្យមានភាពបុរាណ ជាមួយនឹងរូបភាពផ្សេងៗ បន្ថែមដោយកញ្ចក់បញ្ឃរមួយ កាន់តែប្រសើរ។

២៨. ដាក់គ្រែរបស់អ្នក នៅជិតបង្អួច

នៅបន្ទប់គេងតូច ចន្លោះជញ្ជាំងគឺមានតម្លៃណាស់។ អ្នកមិនគួរខ្ជះខ្ជាយទេ ដូច្នេះដាក់គ្រែរបស់អ្នក នៅជិតបង្អួច បង្កើនខ្យល់ចេញចូល ព្រមជាមួយនឹងវាំងនន បង្កើតជាចំនុចប្រសព្វធម្មជាតិមួយ។

២៩. បន្ថែមកញ្ចក់ ទៅលើរបស់របរផ្សេងៗ

កាន់តែប្រសើរ ប្រសិនបើរបស់របរភាគច្រើនរបស់អ្នក ត្រូវលម្អដោយកញ្ចក់ ដូចក្នុងរូបភាព។

៣០. ផ្ទាំងរូបភាពសៀវភៅក្លែងក្លាយ

ផ្ទាំងរូបភាពសៀវភៅក្លែងក្លាយ បង្កើតរូបភាពបំភាន់ នៃទំហំបន្ទប់ ជាងអ្វីដែលអ្នកមាន ដូចក្នុងរូបភាពដែលបានបង្ហាញ។

Credit to House Beautiful, Hadley Mendelsohn