កម្ពុជា៖ លោកគ្រូ ភា សុភ័ក្រ្តា ដែលជាគ្រូបង្គោលក្រុមជម្រើសជាតិអាយុក្រោម ១៩ឆ្នាំ របស់កម្ពុជា បានប្រកាសអំពីការចូលនិវត្តន៍ពីការងារដឹកនាំក្រុមជម្រើសជាតិកម្ពុជាគ្រប់ឈុតចាប់ពីពេលនេះតទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីពេលថ្មីៗនេះ លោកគ្រូ ភា សុភ័ក្រ្តា ទទួលបានឱកាសក្នុងការដឹកនាំក្រុមកម្ពុជា U-19 ចូលរួមក្នុងពានរង្វាន់ AFF U-19 Youth Championship ប៉ុន្តែ មិនទទួលបានជោគជ័យឡើយ ពោល ធ្លាក់ត្រឹមវគ្គចែកពូល ក្រោយឆ្លងកាត់ ៣ប្រកួត ឈ្នះមួយ ចាញ់ពីរ មាន ៣ពិន្ទ ឈរលេខរៀងទី២ ខណៈ លោកគ្រូទទួលរងសម្ពាធខ្លាំងមែនទែនពីសំណាក់អ្នកគាំទ្រជុំវិញការរៀបចំតាក់តិចក្រុម និង បរាជ័យមួយនេះ។
ទាក់ទងនឹងរឿងខាងលើ លោកគ្រូ ភា សុភ័ក្រ្តា បាននិយាយថា៖
ចាប់ពីពេលនេះអ្នកទាំងអស់គ្នាអាចបំភ្លេចឈ្មោះខ្ញុំបានពីបាល់ទាត់ជម្រើសជាតិ តែសូមកុំឈប់គាំទ្របាល់យើងអោយសោះសូមអរគុណការគាំទ្រ និង មតិយោបល់របស់បងប្អូន។ ជាចុងក្រោយសូមរក្សាភាពថ្លៃថ្នូរដល់អាជីពដែលមានវិជ្ជាជីវៈមួយនេះសម្រាប់អ្នកបន្ទាប់៕
Bong I.T