កូរ៉េខាងត្បូង ៖ ថ្មីៗនេះបន្ទាប់ពីផ្ទុះព័ត៌មានទាក់ទងនឹងដំណឹងនៃការចាកចេញពីក្រុម (G)I-DLE របស់ Soojin បានបង្កជាការសោកស្ដាយ និងកើតទុក្ខពុំសុខចិត្តយ៉ាងខ្លាំងពីសំណាក់បណ្ដាអ្នកគាំទ្រនៅជុំវិញពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្ដែង ក្រោយមានការប្រកាសព័ត៌មានពីផលិតកម្ម Cube ដោយបានលើកឡើងថា Soojin សម្រេចចាកចេញពីក្រុម ចំពោះអនាគតរបស់ក្រុម (G)I-DLE នឹងត្រូវបន្តសកម្មភាពការងារជាមួយវត្តមានសមាជិក ៥នាក់។
រឿងនេះបានធ្វើឲ្យគ្រប់គ្នាដែលជាហ្វេនៗ ជាពិសេស Neverland ពិតបានមានការខកចិត្ត ដែលមានរឿងបែបនេះកើតឡើង ហើយពេលនេះដែលតារាសម្ដែងស្រី Seo Shin Ae ដែលជាជនដំបូងរឿងព័ត៌មានថានាងត្រូវបាន Soojin ធ្វើបាបនោះ ក៏ត្រូវប្រឈមនឹងពាក្យរិះគន់យ៉ាងចាស់ដៃតែម្ដង ព្រោះអ្នកគាំទ្រយល់ថាគ្រប់យ៉ាងមកពី Seo Shin Ae។
បច្ចុប្បន្នតារាសម្ដែងរូបនេះ កំពុងក្លាយជាប្រធានបទរិះគន់ពេញបណ្ដាញសង្គម ទាំងគណនី Instagram ទាំង YouTube ផ្លូវការរបស់នាងផ្ទាល់ ដោយទទួលរងនូវកំហឹងក្ដៅដូចបាយពុះពីសំណាក់អ្នកគាំទ្ររបស់ក្រុម (G)I-DLE ក្រោយលើករឿងផ្ទាល់ខ្លួន។
អ្នកលេងអ៊ីនធើណែតបាននាំគ្នាចូលមកបញ្ចេញមតិមិនពេញចិត្ត ដោយខ្លះលើកឡើងថា Seo Shin Ae ធ្វើបែបនេះព្រោះចង់បានចំណាប់អារម្មណ៍ មានអ្នកខ្លះថា ចង់ឲ្យនាងសុំទោស Soojin ព្រមទាំងនិយាយថានាងជាមិត្តមិនល្អដែលច្រណែនមិត្តខ្លួនឯង និងមតិរិះគន់ជាហូរហែទៀត ទាំងនេះគឺព្រោះតែនាងជាមូលហេតុដែលធ្វើឲ្យវាសនារបស់ Soojin ធ្លាក់មកដល់ចំណុចនេះ។
ទោះបីជាយ៉ាងនេះក្ដី អ្នកគាំទ្ររបស់ Seo Shin Ae ព្រមទាំងមហាជនជនជាតិកូរ៉េមួយចំនួន ក៏បានលើកទឹកចិត្តចំពោះនាងផងដែរ ព្រោះការពិតច្បាស់លាស់យ៉ាងណា គឺមានតែសាមីខ្លួនទាំងសងខាងប៉ុណ្ណោះដែលដឹងច្បាស់៕
ប្រភព ៖ Koreaboo
Bong I.T