អេស្ប៉ញ៖ ខ្សែប្រយុទ្ធក្លិប Real Madrid កីឡាករ Vinicius Junior បានបង្ហាញអំពីអារម្មណ៍សោកស្តាយ បន្ទាប់ពី Toni Kroos បានប្រកាសថា រូបគេនឹងចូលនិវត្តន៍ពីបាល់ទាត់ក្រោយចប់ព្រឹត្តិការណ៍ EURO 2024។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីថ្ងៃអង្គរកន្លងទៅនេះ ខ្សែបម្រើសញ្ជាតិអាល្លឺម៉ង់ខាងលើ បានធ្វើការប្រកាសជាសាធារណៈដ៏គួរឲ្យភ្ញាក់ផ្អើល អំពីការសម្រេចចិត្តព្យួរស្បែកជើងរបស់ខ្លួនក្រោយចប់រដូវកាលនេះ ដូច្នេះមានន័យថាជំនួបវគ្គផ្តាច់ព្រ័ត្រ Champions League ទល់នឹង Borussia Dortmund នឹងក្លាយជាការបង្ហាញខ្លួនចុងក្រោយបង្អស់របស់ Kroos ឲ្យ Real Madrid ខណៈ ក្រុមជម្រើសជាតិអាល្លឺម៉ង់វិញ គឺ បញ្ចប់ត្រឹមព្រឹត្តិការណ៍ EURO 2024 តែម្តង។
ជាមួយនឹងការប្រកាសចូលនិវត្តន៍របស់ Kroos កីឡាករ Vinicius បាននិយាយថា៖
វាជាថ្ងៃដ៏សោកសៅសម្រាប់ខ្ញុំ និង អ្នកគាំទ្ររបស់ Real Madrid។ វាជាថ្ងៃដ៏អាក្រក់សម្រាប់បាល់ទាត់ ដោយដឹងថាឆាប់ៗនេះយើងនឹងមិនមានអ្នកនៅទីនេះទេ ប៉ុន្តែខ្ញុំយល់ពីអ្នក។ អរគុណសម្រាប់ការបញ្ជូនបាល់កន្លងមក រាល់ការណែនាំជាច្រើនប៉ុន្មានឆ្នាំមកនេះ។ ពួកយើងស្រលាញ់អ្នក៕
ប្រភព៖ Fabrizio Romano
Bong I.T