កម្លាំងចិត្ត ៖ ស្នេហាធ្វើពិភពលោករបស់មនុស្សពីរនាក់ពណ៌ផ្កាឈូក តែពេលមិនអាចទៅមុខបានក៏ត្រូវបែកគ្នា ពិភពពណ៌ផ្កាឈូកស្រាប់តែប្រែទៅជាពណ៌ប្រផេះ ផ្កាដ៏សោកសៅរីកក្នុងចិត្ត ជំនួសឲ្យផ្កាកុលាប ព្រោះក្នុងជីវិតមនុស្សពីរនាក់ដែលធ្លាប់ស្រលាញ់គ្នា មិនថាតិចឬច្រើនពួកគេទាំងពីរធ្លាប់មានអនុស្សាវរីយ៍ជាមួយគ្នាពីមុនមក វានឹងពិបាកក្នុងការលុបវាចេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បើអ្នកចង់ឲ្យស្នេហាដែលជារឿងអតីតកាលបញ្ចប់ទៅដោយមិនមានអ្វីមកដោះស្រាយនោះ ខាងក្រោមនេះជារឿង ៥ យ៉ាងដែលអ្នកមិនគួរធ្វើ ប្រសិនបើស្ថានភាពមិត្តប្រុស មិត្តស្រីបច្ចុប្បន្ន ទម្លាក់ចំណាត់ថ្នាក់មកត្រឹមជាអតីតសង្សារ។
១. យកមនុស្សពីអតីតរបស់អ្នកមកបង្ហាញនៅលើបណ្តាញសង្គម
ប្រសិនបើពួកគេបែកបាក់គ្នាហើយបរាជ័យ រួមគ្នានៅលើប្រព័ន្ធផ្សព្វផ្សាយសង្គម ដើម្បីប្រកាសប្រាប់ពិភពលោក វាមិនមែនជារឿងចម្លែកនោះទេ ប៉ុន្តែបើបែកគ្នាហើយនៅតែយកអាកប្បកិរិយារបស់អតីតសង្សារមកផ្សព្វផ្សាយក្នុងពិភពសង្គម ត្រូវតែនិយាយថា "បញ្ឈប់វា" ព្រោះវាមិនបានធ្វើអ្វីល្អជាងនេះទេ ខ្លួនឯងនឹងកាន់តែអាក្រក់ទៅៗ ព្រោះត្រូវអង្គុយអានយោបល់អ្នកដទៃដែលមិនដឹងអំពីអ្នកទាំងពីរ ប្រសិនបើអ្នកចង់បានការលើកទឹកចិត្ត ស្វែងរកមិត្តដែលអ្នកអាចទុកចិត្តបាន ហើយប្រាប់គេពីរឿងដែលអ្នកធ្លាប់ឆ្លងកាត់ បន្ទាប់មកបន្តជីវិត ទោះជាឈឺចាប់ តែថ្ងៃណាមួយនឹងបាត់ទៅវិញ។
២. អ្នកនៅតែរក្សាការចងចាំចាស់រវាងអ្នក និងអតីតរបស់អ្នក
មានគេនិយាយថា បែកគ្នាហើយ ឲ្យវាចប់ទៅ អ្វីដែលអ្នកពិតជាត្រូវធ្វើ អ្នកត្រូវតែបញ្ចប់ មិនមែនអង្គុយស្តាប់បទចម្រៀងដែលយើងធ្លាប់ស្តាប់ជាមួយគ្នានោះទេ ទៅភោជនីយដ្ឋានដែលយើងធ្លាប់ញ៉ាំជាមួយគ្នា បើអ្នកទប់អារម្មណ៍ដែលធ្លាប់មានជាមួយអតីតអ្នកបែបនេះ ជីវិតរបស់អ្នកមិនទៅណាទេ ស្វែងរកកន្លែងថ្មី ស្តាប់តន្ត្រីពីរោះៗ បទថ្មីៗ ហើយអ្នកនឹងកាន់តែប្រសើរឡើងមិនគួរឲ្យជឿ។
៣. ព្យាយាមប្រាប់ខ្លួនឯង យើងនៅតែអាចធ្វើជាមិត្ត
សូមបញ្ជាក់នៅទីនេះថា យើងមិនអាចធ្វើជាមិត្តនឹងអតីតរបស់យើងបានទេ ព្រោះមនុស្សដែលមានអារម្មណ៍ច្រើនជាងមិត្ត ធ្លាប់មានទំនាក់ទំនងយ៉ាងស៊ីជម្រៅ វាមិនអាចត្រឡប់ទៅចំណុចនៃការត្រឹមតែជាមិត្តបានទេ កុំធ្វើតួជាវីរនារី ឬវីរជន ព្រោះអ្នកមិនអាចទប់ចិត្តបាន ហើយវានឹងកាន់តែឈឺចាប់ បើឃើញគេមានសង្សារថ្មី ខណៈពេលដែលអតីតរបស់អ្នកគ្រាន់តែជាមិត្ត។
៤. បន្តបន្ទោសលើកំហុសរបស់អតីតអ្នក
វាជាវិធីដ៏បុរាណនៃការបែកគ្នាជាមួយមិត្តប្រុស ដោយសារបន្ទោសអតីតអ្នកថាជាអ្នកធ្វើឲ្យទំនាក់ទំនងមិនបានជោគជ័យ ហើយអ្នកគឺជាជនរងគ្រោះដូចមនុស្សជាច្រើនធ្វើ ដើម្បីធ្វើឲ្យខ្លួនមានអារម្មណ៍ប្រសើរឡើង ទោះជានិយាយឲ្យត្រង់ទៅវាមិនល្អជាងនេះមែន តែគ្មានអ្វីទេ អ្នកនឹងមិនទទួលស្គាល់កំហុសដែលអ្នកបានធ្វើដើម្បីធ្វើឲ្យទំនាក់ទំនងកាន់តែអាក្រក់។
៥. លង់ក្នុងការឈឺចាប់
បែកគ្នាគ្មានអ្នកណាមិនឈឺចាប់ទទេ ប៉ុន្តែអ្នកដែលជាសះស្បើយលឿនជាងមុននឹងបន្តកាន់តែប្រសើរ មនុស្សដែលជាប់នៅក្នុងទំនាក់ទំនងដែលបានបញ្ចប់ យើងដឹងថាអ្នកមានការសោកស្ដាយចំពោះការបាត់បង់មនុស្សជាទីស្រលាញ់របស់អ្នកទៅកាន់អ្នកដ៏ទៃ ឬមនុស្សដែលអ្នកស្រលាញ់មិនស្រលាញ់អ្នកទៀតទេ ប៉ុន្តែប្រសិនបើអ្នករស់នៅលើរបួសពីអតីតកាល មុខរបួសនោះមិនអាចជាសះស្បើយបានទេ ព្រោះអ្នកនឹងបន្តធ្វើរបួសដដែលៗជារៀងរាល់ថ្ងៃ បើអ្នកមិនចង់ឲ្យខ្លួនឯងត្រូវក្លាយជាមនុស្សដែលមានចិត្តរំភើបខ្លាំងពេក បន្ទាប់មកងើបចេញពីគំនរទឹកភ្នែក ជូតទឹកភ្នែករបស់អ្នក រួចដើរទៅមុខ មានអ្វីល្អៗជាច្រើនកំពុងចាំអ្នក៕
ប្រភព ៖ Sanook
Bong I.T